ú.Kk wxYh
අභ්යන්තර විගණන අංශය
බෞද්ධ කටයුතු දෙපාර්තමේන්තුවේ ප්රධාන කාර්යාලීය අංශ, ඊට අනුබද්ධ ප්රාදේශීය කාර්යාල සහ බෞද්ධ විහාර දේවාලගම් පනතේ 4(1) වගන්තිය යටතේ පාලනය වන පූජනීය ස්ථාන (විහාරස්ථාන සහ දේවාල) තුළ අවදානම් කළමනාකරණය, යහපාලනය සහ අභ්යන්තර පාලන පද්ධති ක්රියාත්මක කිරීම සම්බන්ධයෙන් ස්වාධීන සහතික කිරීමක් සහ උපදේශන සේවාවක් සැපයීම සඳහා අභ්යන්තර විගණන අංශය වගකීම දරයි. තවද, මෙම අංශය මගින් අදාළ පූජනීය ස්ථාන විගණනය කිරීම සහ ඒවාට අවශ්ය මඟපෙන්වීම් ලබා දීම ද සිදු කරනු ලබයි.
අභ්යන්තර විගණන අංශයේ ප්රධාන කාර්යයන්
දෙපාර්තමේන්තුවේ අරමුණු ඉටු කර ගැනීම සහතික කිරීම සඳහා, වාර්ෂික ක්රියාකාරී සැලැස්මට අනුකූලව සෑම කාර්තුවක් අවසානයේදීම මූල්ය හා භෞතික ප්රගතිය සහ ගිණුම් වාර්තාවල නිවැරදිභාවය පරීක්ෂා කිරීම.
ප්රමාණවත් අභ්යන්තර පාලන පද්ධති ක්රියාත්මක වන්නේද යන්න සමාලෝචනය කිරීම සහ ඇගයීම.
වත්කම් හානිවලින් ආරක්ෂා වී ඇත්දැයි තහවුරු කිරීම.
ආයතන සංග්රහය, මූල්ය රෙගුලාසි (FR), භාණ්ඩාගාර චක්රලේඛ සහ ආයතනික චක්රලේඛවලට අනුකූලව කටයුතු කරන්නේ දැයි පරීක්ෂා කිරීම.
ගිණුම් සහ අනෙකුත් වාර්තාවල විශ්වාසනීයත්වය තීරණය කිරීම සහ පවතින ගිණුම්කරණ පද්ධතිය මගින් නිවැරදි මූල්ය ප්රකාශන සහ අවශ්ය තොරතුරු සකස් කිරීමට ඉඩ ප්රස්ථාව සැලසේදැයි සොයා බැලීම.
නාස්තිය, අවම භාවිතය සහ අධික වියදම් වැළැක්වීමට සහ හඳුනා ගැනීමට ක්රියාත්මක කර ඇති අභ්යන්තර පාලන පද්ධතිවල සඵලතාවය ඇගයීම.
විගණන සහ කළමනාකරණ කමිටු රැස්වීම් කැඳවීම, පැවැත්වීම සහ ඒවායේ වාර්තා ඉදිරිපත් කිරීම.
කාර්ය මණ්ඩලයට පවරා ඇති වගකීම් ඉටු කිරීමේදී ඔවුන්ගේ කාර්යසාධනයේ ගුණාත්මකභාවය ඇගයීම.
1931 අංක 19 දරන බෞද්ධ විහාර දේවාලගම් පනතේ 4(1) වගන්තිය යටතේ කළමනාකරණය වන පූජනීය ස්ථානවල විගණන කටයුතු සිදු කිරීම.
අවශ්ය අවස්ථාවලදී විශේෂ පරීක්ෂණ පැවැත්වීම සහ පරීක්ෂණ වාර්තා ඉදිරිපත් කිරීම.
කාර්යසාධන ඇගයීමේදී කොමසාරිස් ජනරාල්වරයාට සහාය වීම.
අභ්යන්තර පාලන පද්ධතිය ශක්තිමත් කිරීමට සහාය වීම.
The Relevant Officer
The Department of Buddhist Affairs is the central government institution responsible for safeguarding, promoting, and administering the Theravāda Buddhist tradition in Sri Lanka through the guidance of temples, clergy, and community services.